अभ्यास कसा करावा मुलांनी अभ्यास आणि वेळ नियोजन कसे करावे . How to do study in marathi language.
Mind Ko Fresh Kaise Kare – ये है 8 तरीक
How To Focus In Study: अनेक विद्यार्थी असे असतात, ज्यांना अगदी मनापासून अभ्यास करायचा असतो. चांगले गुण मिळवायचे असतात, पण तरीही अभ्यास करायला बसले तरी त्यांचं अभ्यासात लक्ष लागत नाही. चित्त एकाग्र होत नाही. परीक्षेत चांगले गुण मिळवायचे तर एकाग्र चित्ताने अभ्यास करणं आवश्यक आहे. पण हल्लीच्या वातावरणात मुलांचं लक्ष विचलित होईल, अशा अनेक गोष्टी त्यांच्या आजुबाजूला असतात. मोबाईल, त्यातलं सोशल नेटवर्किंग, ऑनलाइन गेम्स मित्र-मैत्रीणी, कुटुंबीय, आजूबाजूचा गोंगाट या नानाविध गोष्टी चित्त विचलित करण्याचं काम चोख बजावत असतात. हे सर्व अडथळे पार करत अभ्यासावर लक्ष केंद्रित करण्याचं काम मुलांना करायचं असतं. म्हणूनच आम्ही देत आहोत काही टिप्स ज्या तुमच्या कामी येतील.
-choose-appropriate-place-to-study
अभ्यास करण्यासाठी एक विशिष्ट वातावरणाचीही आवश्यकता असते. म्हणून योग्य जागा निवडा. काही गोष्टी ध्यानात असू द्या. अभ्यासाला बसण्यासाठी अशी जागा निवडा जिथलं वातावरण शांत असेल. बसण्यासाठी टेबल-खुर्ची ठेवा. पुस्तके ठेवायला जागा असूद्या. त्या खोलीच्या बाहेर “Do Not Disturb” चा बोर्ड लावून टाका, जेणेकरून कुटुंबातले इतर लोक तुम्हाला डिस्टर्ब करणार नाहीत.
-make-study-your-routine-work
अभ्यासाचं योग्य नियोजन करा. वेळापत्रक आखा. दिवसनिहाय प्रत्येक विषयाला ठराविक वेळ देऊन त्यानुसार नियोजनबद्ध अभ्यास करा. अभ्यासाला दैनंदिन कार्याचाच एक भाग बनवा. अभ्यास करण्यासाठी नेहमी उत्साही रहा. ४५ मिनिटांपेक्षा जास्त सलग अभ्यास करू नका. मध्ये ब्रेक घ्या. आपल्या आवडीनुसार ज्या वेळी तुमचं मन अभ्यासात एकाग्र होतं, ती वेळ अभ्यासासाठी निवडा.
-keep-all-distracting-devices-away
खूप वेळ अभ्यासाला बसायचं आहे, तर आधी चित्त विचलित करणाऱ्या गोष्टी दूर करा. या गोष्टी तुमचा किती वेळ वाया घालवतील त्याचा नेम नाही. मोबाइल आणि अन्य गॅझेट दूर ठेवा. त्यामुळे तुमचा खूप सारा वेळ सत्कारणी लागतो.
-read-properly
जर तुम्हाला एखादा पाठ नीट समजून लक्षात ठेवायचा असेल तर तो नीट पद्धतीने वाचला पाहिजे. अभ्यास करताना समोर लहान लहान उद्दिष्ट ठेवा आणि ती पूर्ण झाल्यावर स्वत:लाच शाबासकी देण्यास अजिबात विसरू नका. नेहमी सकारात्मक विचार करा आणि रिकाम्या वेळी देखील चांगली प्रेरणादायी पुस्तके वाचा. जे वाचाल ते समजून उमजून वाचा.
-be-disciplined
दीर्घकाळ अभ्यास करण्यासाठी आवश्यक मूलमंत्रांपैकी एक आहे स्वयंशिस्त. अभ्यासात लक्ष लागायला हवंय तर स्वत:ला शिस्त असणं आवश्यक आहे. मन भरकटू लागलं की त्याला ताळ्यावर आणण्यासाठी आणि पुन्हा अभ्यासाकडे वळवण्यासाठी स्वयंशिस्त हवीच. कधीही तुमचं मन भरकटू लागलं की त्याला वेळीच आवर घाला आणि आपल्या अभ्यासाच्या वेळापत्रकाकडे लक्ष द्या. मी अभ्यासावेळी अभ्यासच करीन असं हवं तर अभ्यासाला बसता तिथे समोर ठळक अक्षरात लिहून ठेवा. मात्र अभ्यासाकडे एक ओझं म्हणून नव्हे तर मजा म्हणून पाहा. हसतखेळत केलेला अभ्यास अधिक चांगल्या पद्धतीने लक्षात राहतो.
-know-when-to-have-a-rest
मध्ये ब्रेक न घेता सातत्याने अभ्यास केला तर तुम्हाला कंटाळा येऊ शकतो. अभ्यासाचं ओझं वाटू शकत. म्हणूनच अभ्यास करताना दर ठराविक वेळेनंतर ब्रेक घेणं आवश्यक आहे. या ब्रेकच्या वेळी तुम्ही असं काही सकारात्मक काम करा, ज्यामुळे तुम्हाला नवी ऊर्जा मिळेल. केलेला अभ्यास तुम्ही विसरणार नाही. दर ४५ ते ६० मिनिटांनंतर एक पाच-दहा मिनिटांचा ब्रेक अवश्य घ्या, जेणेकरून तुमचा मेंदूही फ्रेश राहील.
-monitor-your-progress
अभ्यासाच्या पद्धतीत सुधारणा केल्यानंतर त्याचा कसा उपयोग होत आहे, याचीही चाचपणी करा. अभ्यासातल्या प्रगतीचा सातत्याने आढावा घेत राहा. यामुळे तुम्हाला प्रेरणा मिळेल. योग्य मार्गावर आहात हे कळलं की हुरुप येईल आणि तुमचं लक्ष्य गाठण्यात तुम्ही यशस्वी व्हाल. आपण योग्य मार्गाने जात आहोत ना, हा प्रश्न तुम्ही स्वत:ला सातत्याने विचारायला हवा. जर काही त्रुटी लक्षात येत असतील, तर त्या वेळीच दूर करा.
-understand-your-body
प्रत्येक विद्यार्थ्याची अभ्यासाची पद्धत वेगवेगळी असते. प्रत्येकाची अभ्यासाची वेळही वेगवेगळी असू शकते. कोणाचं भल्या पहाटे अभ्यासात मन लागतं तर काही लोक रात्रीच्या वेळी चांगला अभ्यास करू शकतात. तुमचं शरीर कोणत्या प्रकारात मोडतं, तुम्ही कोणत्या वेळी फ्रेश असता हे जाणून घ्या. तीच तुमची अभ्यासाची योग्य वेळ असेल. त्या वेळी केलेला थोडा अभ्यासही दीर्घ काळ लक्षात राहतो.
-get-enough-and-good-sleep
मन लावून अभ्यास करण्यासाठी चांगली झोपही तितकीच आवश्यक आहे. जेव्हा आपण चांगली झोप घेतो तेव्हा आपल्या शरीरातील हार्मोन्स योग्य पद्धतीने स्रवतात आणि मेंदू बळकट करतात, शरीरालाही आराम देतात. यामुळे झालेला अभ्यास लक्षात राहण्यास मदत होते. थकलेल्या शरीराने कधीही अभ्यासात मन एकाग्र करता येत नाही. म्हणून रोज ७ ते ८ तासांची झोप आवश्यक आहे.
-eat-healthy-food
जशी शरीराला झोप आवश्यक आहे, तसा चांगला पोषक आहारही आवश्यक आहे. चांगली फळे, भाज्या, कडधान्ये शरीराचं पोषण करतात आणि मेंदूची कार्यशक्ती वाढवतात. पौष्टिक आणि संतुलित आहारामुळे अभ्यासात लक्ष एकाग्र होतं.
१) अभ्यासासाठी योग्य जागा निवडा (Choose appropriate place to study)
२) अभ्यासाला तुमचं रुटीन बनवा (Make study your routine work)
३) चित्त विचलित करणाऱ्या गोष्टींना दूर ठेवा (Keep all distracting devices away)
४) योग्य पद्धतीने अभ्यास करा (Read properly)
५) स्वयंशिस्त गरजेची (Be Disciplined)
६) आरामही महत्त्वाचा (Know when to have a Rest)
७) अभ्यासातील प्रगतीचा आढावा घ्या (Monitor your progress)
८) स्वत:च्या शरीराला ओळखा (Understand Your Body)
९) पुरेशी झोप घ्या (Get enough and Good sleep)
१०) सकस आहार घ्या (Eat Healthy Food)
टिप्पणियाँ
एक टिप्पणी भेजें